Lamarain arrasatearra da jaiotzez, baina Gasteizen bizi da gaur egun. PPko zinegotzia da Arrasateko Udalean. Adierazi digunez, biak, Udala eta Batzar Nagusiak, bateratuko ditu aurrerantzean. Goizez, Arabako Batzar Nagusietako lana egingo du eta, arratsaldez, Arrasateko Udalekoa. Lamarain pozik eta ilusio handiarekin azaldu da, lan berriagatik eta baita Javier de Andres izendatu izanagatik Arabako ahaldun nagusi. Honenbestez, Arabako batzar nagusietan bi debagoiendar izango dira agintaldi honetan, Lamarainez gain, Iñaki Nafarrate (EAJ) aramaioarra.
Itziar Lamarain (PP) batzarkide izango da Arabako Batzar Nagusietan. Javier de Andres izendatu izanak Arabako ahaldun nagusi eragina izan du horretan. Izan ere, hark uzten duen tokia hartuko baitu Lamarainek, azkeneko hauteskundeetan batzarkide aulkia lortzeko muga-mugan geratu zenak. Datorren astean hartuko du kargua.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak