San Ferminetan ederto ibili dira aurten ere Arrasateko gaiteroak. Duela 30 bat urte jaiotako ohiturari eutsiz, uztailaren 6ko hitzorduarekin bat egin zuten atzo ere: "Sakratua da guretako", dio Igor Gonzalez gaiteroak. "Oso-oso ondo pasatu genuen, lehen unetik azkenera arte; ondo aprobetxatutako eguna izan zen", adierazi du.
07:45ean irten ziren Arrasatetik eta Iruñeara 09:00etan heldu ziren, gosaltzeko lekua hartzeko: "Egun horretan lekua aurkitzea zaila izaten da". Bapo-bapo gosaldu behar –arraultzak, urdaiazpikoa, patatak, tomatea eta kafea–, egun luzea izaten da-eta.
11:45ak arte denbora apur bat egin zuten Iruñeako alde zaharrean: Euskal Herriko beste hainbat lekutatik datozen gaiteroak agurtu, hitzegin, trago pare bat hartu. Eta gero, momenturik gorena: udaletxera txupinazoan parte hartzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
