Espainiako Zientzia eta Berrikuntza Ministerioari atxikita dago CSIC, eta Espainiako ikerketa erakunde publiko garrantzitsuena eta Europako hirugarren garrantzitsuena da.
Oraingoan, CSICek MUko Konformazio Taldea berari atxikitutako zentro gisa errekonozitu du CSIC beraren mende dagoen CENIM-Espainiako Ikerketa Metalurgikoen Zentroaren bitartez.
Figura horrek Konformazio Taldeak eta CENIM-CSICeko COPROMAT-Materialen Korrosio eta Babes Taldearen arteko harremana formalizatzeko balio du, eta elkarren arteko lankidetza sustatuko du ikerketako arloetan zein hezkuntzakoetan. Zehazki, agertzen ari diren materialei buruzko gaiak landuko dira, muturreko baldintzetan prozesatzeko eta/edo erabiltzeko, bereziki azken belaunaldiko aleazio metalikoei dagokienez.
Atxikitako Unitatearen sorrerarekin datorren lankidetza hitzarmenean berariaz aipatzen dira, elkarren arteko ekintzen barruan, bi zentroetan dagoen materialaren erabilera partekatzea, bi taldeetako pertsonal propioaren mugikortasuna eta patente erabilgarrien tramitazioa, CSICen bitartez.
Atxikitako Unitateak, halaber, CSICeko deialdietan eta bestelako ekintzetan – barnekoak zein kanpokoak– parte hartu ahal izango du, CSICeko pertsonen baldintza berberetan.