Errozioak ez dio hutsik egin urteroko hitzorduari. Eguraldiagatik beldur ziren antolatzaileak baina eskerrak egin duen euria goizeko mezan zehar egin duela. Baina atertu du eta badirudi lagun izango dutela iluntzera arte. Ordura arte egongo dira Arruena plazan, jan, edan, abestu eta dantzatzen.
Uztaileko lehen domekero moduan, Al-Andalus elkarteak eta 'Nuestra señora del Rocio' kofradiak antolatzen duten Errozioak Andaluzia usaina ekarri du Arrasatera. Aurten 21 izan dira Euskal Herria eta Espainiatik etorri diren Andaluziako etxeak. Horiei guztiei ongietorri eginez hasi dute eurendako horren berezia den ospakizun eguna. Gero Al-Andalus elkartetik Santamainako elizara eraman dute Birjina kalejiran, haren omenezko meza egiteko. Meza amaitu denean euria hasi da eta beraz, Birjina ez da atertu arte irten. Hala, kalejiran joan dira Arruena plazara –Eroski ondoan–; han egongo dira iluntzera arte, giro paregabean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak