Asteon egin dira gurasoekin bilerak eta beraz, dena dago gertu datorren astelehenean, uztailak 4, hasiko diren udaleku irekiendako. Hilaren 22ra arte luzatuko dira aurten, eta urtero moduan, Arrasaten bertan egingo diren ekitaldi guztiak 2 eta 10 urte arteko haurrendako izango dira. 259 haurrek eman dute izena eta eurekin 27 hezitzaile eta sei praktikagile egongo dira.
Mirari Arando Txatxilipurdiko Haurren saileko arduradunak adierazi duenez, erronka potolo bat markatu dute aurten: "Zenbait gurasok esan digute kalean haur gutxi ikusten direla eta horregatik ekintza gehienak kalera aterako ditugu".
Zaintza zerbitzuak goizetan
Goizetan zaintza zerbitzua ere egongo da aurten erdigunean, San Andresen eta Musakolan, 09:00etatik 10:00etara. Udalekuak 10:00etatik 13:00etara eta 15:30etik 18:30era izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.