Egitasmoaren aurkezpenean Eneko Barberena Txatxilipurdiko zuzendariak esan du udan igo egiten dela irakurtzeko ohitura, eta jende asko igerilekura joaten denez, pentsatu dute leku egokia dela bezeroei era erosoan euskarazko irakugari eta jolasak eskuragarri jartzeko.
Dinamizatzaile bat egongo da Freskura! ekimenaren postuan, eta bertatik irakurgai eta jolas bat hartzeko, igerilekuko karneta edo beste karnet bat utzio beharko da, maileguan hartutakoa itzultzean, jabeari bueltatuko ziona. Gazte Bulegoko informazio ere egongo da eskuragarri eta Debagoieneko kultur agenda ezagutzera emateko ere baliatuko da. Ekintza sorpresak ere iragarri dituzte. Ekimena egubakoitz honetan jarriko da martxan, eta abuztuaren 5era arte iraungo du. Astelehenetik egubakoitzera, arratseko 15.30tik 20:30ra egongo da postua jarrita.
Hainbat argitalpenen laguntza
Txatxilipurdik Arrasateko Udalaren eta Aukearen laguntza izan du egitasmoa aurrera eramateko, baita Goiena, Berria, Hitza, Irrien lagunak, Argia, Gaztezulo eta Aizu argitalpenena ere. Inazio Azkarraga Urizar Alkateak esan duenez, begi onez ikusten dute egitasmo hau, eta euren babes osoa ematen diote.