Esklerosi Anizkoitzaren alde lagundu edo kanpainan parte hartu nahi dutenek, uztailaren 3an, Musakolako kiroldegiko igerilekuetara joan eta igeri edo “busti” egin beharko dira horretarako mugatua dagoen igerilekuan. Jardunaldiaren amaieran igeri egindako metro guztiak zenbatuko dira gaixotasun sendaezin hau jasaten duten pertsonen aldeko ekitaldian.
Kanpaina burutu ahal izateko, Udaletxea, AUKEA eta Toki Argi elkartearen laguntza ezinbestekoa izan da. Kiroldegian mahai informatibo bat jarriko dute eta jendeari diplomak ematen. Gainera, Kukuxumuxuk egindako Busti Zaitez-Mojate merchandising materiala erosi ahal izango du jendeak: kamisetak, txapelak, erlojuak, giltzatakoak...
Arrasaten egiteaz gain Gipuzkoako beste 16 herritan ere burutzen da. Euskal Herri eta Estatu mailako ekimena da eta prentsa ohar baten bidez jakinarazi dutenez, iaz 40.000 pertsonek hartu zuten parte, 40.000 lagun busti ziren gaixotasunaren aurka.