Ekainak 28a da Gay, lesbianen eta transexualen harrotasun eguna. Ospakizunetarako eguna batzuentzako, aldarrikapenetarako beste askorentzako. Normaltasunetik urrun gaudela kontatu du Asier Alkortak gaur goizean Arrasate Irratiko "uda Giroan" saioan eta horregatik, bada, beharrezkotzat du oraindik, gaurko eguna egutegian markatuta izatea.
Naturaltasunaz berba egitean datza Alkortaren ustetan, normaltasunerako bidea ekarriko duena: "Galderak zelan egiten ditugun adibidez oso esanguratsua da: mutil bati zergatik galdetzen diuogu ea neska lagunik baduen eta neskei, berriz, ea mutil-lagunik baduen? Zergatik ez da hasierako galdera bera, hau da, baduzu mutil-lagun edo neska-lagunik galdetzen diogunaren lagun horren sexua kontuan hartu gabe" Horrelako eguneroko txikikeriek asko lagunduko lukete behingoagatik mugak apurtu eta buruko eskema itxi hori zabaltzen."
Elkarrizketa osoa entzun gura baduzu, segituan klikatu besterik ez duzu.
