Kultura sailekoek lana eta jaia uztartu behar izan duten arren, lan-taldean ondo moldatu direla aitortu du eta aukera aprobetxatu du, lanean izan diren guztiei eskerrak emateko. Udal korporazio berriko kide batzuk ere lankide izan dituela gaineratu du, ondo moldatu direla esanaz.
Bitxikeriak ere izan direla kontatiu du herriko irratian garaik: "bai, asko daude, horien artean, adibidez: Uarkapeko pelota partiduan markagailua "inprobisatu" behar izan genuela, apurtu egin zen bertakoa-eta. Eskerrak pelotako taldekoek "betikoa edo tradizionala" segituan ekarri zutela. Eta azkeneko entzierroan ere izan zela gaineratu du: "azkenengo egunean, ez dakigu zein arrazoirengatik, zezenen kamioiaren atea etxafuegoak bota aurretik zabaldu zuten. Batek baino gehiagok susto galanta hartu zuen; nik barne. Zorionez, anekdota hutsean geratu zen".
Horrelakoak eta gehiago kontatu ditu Jon Garaik, Arrasateko Kultura teknikariak, Arrasate Irratiko Uda Giroan saioan. Jarraian duzue elkarrizketa osoa entzungai.