Ikusizuna abesti serio batekin hasi nahi izan zuen Kike Otxoa partaideak baina ezustekoa izan zuen agertokira hiru euli handi igo zirenean eta kantuan hasi zirenean.
Horren ostean bai, formal hasi ziren, hau zioen kantuak: "luces, música y acción, suena una canción, empieza la función". Hitz jokoekin jolastu zuten eta askotariko estiloak jorratzen ere ausartu ziren: flamenkoa, opera, gargarak, zirkua eta aho malabarismoak, esaterako.
Euren ikuskizunarekin historiara pasatu nahian eta Arrasaten zeudela aprobetxatuta a-rra-sa-tzea nahi zutela ikusita, hainbat saiakera egin zituzten. Filmen soinu-bandak ekarri zizkiguten gogora; adibidez, Misión imposible eta James Bond-enak. Tom Jones-en It´s not unusual eta Louis Armstrong-en Wonderful world ere interpretatu zituzten. Baita Lau teilatu eta Oi Pello, Pello ere.
Bukatzeko, The Beatles-eko taldekideak txotxongilo bezala ikusi genituen, betiere "Golden" estiloa galdu barik.
Ikus-entzuleak oso gustura
Monterron txiki gelditu zen laukote bokalaren emanaldirako. Horrez gain, saioaren bukaeran jendeari galdetuta zer iruditu zitzaien "zoragarri" izan zen gehien aipatutako hitza.