Egitarauan ez da nobedaderik izango: izendatu berri den Inazio Azkarraga-Urizar alkateak agur hitzak izango ditu bertaratutakoendako, gero gizon eta emakume nagusienei lore sorta banatuko zaie eta amaitzeko, luncha egongo da. Ekainaren 24an izango da, Etxaluzen (12:30).
San Juan egunean egiten den 80 urtetik gorakoen omenaldirako 120 arrasatearrak eman dute izena, 40 gizonezko eta 80 emakumezko. Izenematea itxita dago dagoeneko baina BAZen adierazi dutenez, izenemate epetik kanpo zenbait eskaera onartu izan dira: "Asko ez dira enteratu jaietako programa jaso duten arte", azaldu dute. Omenaldiko gizonezko nagusiena Ladislao Ginaldo izango da, martxoaren 23an 100 urte bete ditu. Emakumezkoen artean, berriz, Margarita Andres izango da nagusiena, 95 urterekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak