Urteroko ibilbidea egin zuen haur danborradak: Nafarroako etorbidetik irten zen eta Garibaitik pasa ostean, Maalako kaletik gora Herriko Plazan amaitu zen. Zaldi gainean zihoazen banderadunek irekitzen zuten bidea eta atzetik danborra eta barrila jotzen zutenak, dantzariak, sukaldariak eta baita karroza ere. Haur guztiak pozik zebiltzan, nor bere jardunean.
Jende mordoa
Guraso zein ezagun mordoa zegoen ibilbide osoan zehar danborrada noiz pasako zain. Argazki eta bideo kamera eskuan hartuta ikusi genituen asko eta asko, euren biloba, seme-alaba edo ezagunei argazkia ateratzeko prest.