AEDko arduradunek jakinarazi dutenez aurten ere ez da girorik faltako: "Urtero moduan girorik ez da faltako afalostean: Jon de Andres gazteak gidatuta, herritarrak izango dira protagonista. Arrasateko Bertso eskolako hiru kidek emango diote hasiera afalosteari, Ane Zuazubiskar, Maddi Labayen eta Xabi Igoa. Ondoren, Portaloi elkarteak eta Trikitixa eskolak kantu eta dantza emanaldi bat eskainiko dute jendeak parte har dezan eta bukatzeko, 2. Dragoi tribiala egingo da", jakinarazi dute prentsa ohar baten bidez.
Bestalde, Txosna batzordeak modu batera edo bestera bat egin du dragoi janarekin. Izan ere, afariaren aurretik txosnetan "dragoitxoak" dastatzeko aukera egongo da. 20:00etan, hain zuzen.