Egun osorako egitaraua prestatu dute. 11:00etatik aurrera urte osoan zehar erraldoi eta kiliki taldearen egoitza den Saiolango eraikinetik kalejiran irtengo dira Seber Altube plazaraino. Han geldialdi egingo dute erraldoi berriak egun osoan zehar erakusgai uzteko. Bitartean, txistorra, edaria eta konpartsaren materiala saltzekoa txosna txiki bat jarriko dute, 11:00etatik 14:30ak arte. Eta, noski, erraldoien saiorik ez da faltako. Bi saio egingo dituzte: lehena, 11:30ean, erraldoi nagusien erreplika diren erraldoi txikiekin. Bigarrena, berriz, 13:30ean izango da eta erraldoi berriak herriaren aurrean jira eta bira lehen aldiz jartzeko balioko du.
Bapo bazkaldu eta Seber Altubera berriro
Arratsaldean, haurrek elkartea gastronomiko baten bapo bazkaldu ostean, sahieski pintxoak eta garagardoa jarriko dute salgai 18:00etatik aurrera. Haurrendako eskulan tailerra ere egongo da erraldoiak gai hartuta denetariko eskulanak egin ditzaten.
Bestalde, egun osoan zehar bildots baterako errifak salduko dituzte: egunaren amaieran zozketatuko da bildotsa, Seber Altube plazan bertan.