Arrasate Musikal Big Band taldeak ikasturteari amaiera borobila emango dio. Horrela, ekainaren 22an Amurrioko musika eskolarekin elkartruke kontzertua eskaini eta gero, hilaren 24an Munich-era (Alemania) joango da bi kontzertu ematera. Handik bueltan, uztailaren 1ean, Monterron Parkean kontzertua eskainiko du, urtero bezala, 22:30ean.
Ekainaren 22a da taldearen lehenengo hitzordua. Kontzertua Amurrioko auditorioan izango da, 20:00etan. Ondoren Munich-eko bidaia egingo du taldeak. Han bi kontzertu eskainiko dituzte: hilaren 26an Freies Musik Zemtrum auditorioan, 19:00etan, eta hilaren 28an Escuela Europea de Munich-en joko dute, 12:00etan.
Bueltan, uztailaren 1ean, urteroko kontzertua eskainiko dute berton, Monterron Parkean, 22:30ean. Azken ekintza honi A.M. Big Band festibala 10 urte izena jarri diote.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.