Aurten ere sari potoloak banatuko dira. 50 bikotendako prestatu dute txapelketa eta bikote kopuru horrek izena ematen badu honakoak izango dira sariak: lehenendako 1.000 euro eta urdaiazpikoak, bigarrenendako 500 euro eta oparia, hirugarrenendako 300 euro eta oparia eta laugarrenendako, azkenik, oparia. Bestela, lehen bikoteak bildutakoaren %50a eramango du; bigarrenak, %25a eta hirugarrenak, azkenik, %15a. Bikote bakoitzak 40 euro ordaindu beharko ditu.
Udalak babestuta eta Roman Lopez arrasatearraren eskutik, aurten ere ez du hutsik egingo San Juan jaien bueltan antolatzen den mus txapelketak. Aurten txapelketak 15 urte beteko ditu; ekainaren 18an egingo da, 16:30etik aurrera, Aldape tabernan –batzokia–. Aurrez izena eman gura duenak 943 79 63 69 telefonora deitu beharko du baina egunean bertan ere eman daiteke izena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak