Gurean dira Suediako Ragnarök otxoteko lagunak, eta dagoeneko egin dute lehen emanalditxoa

Txorbela otxoteak gonbidatuta etorri dira. Atzo, eguena, egin zuten lehen beroketatxoa. 20:00etan, Okoretegi tabernan, luncha izan zuten eta hiru abesti eskaini zituzten: Txorbela otxoteak bi eta suediarrek bat. Hemen dituzue bideoak. Gero, 20:30ean, Zuk Nahi tabernan ere abestu zuten eta afaltzera Ziar-Ola elkartera joan ziren. Gaur, egubakoitza, San Frantzisko elizan egingo dute emanaldia Txorbela eta Ragnarök otxoteek, 20:00etan.