Markaidek hauxe esan digu: "Nire iritziz, eredua aldatu da. Pentsatu izan dugu etxebizitzak sekula ez zirela merkatuko. Japonian 90eko hamarkadan hasi ziren merkatzen, baina hemen, orain arte, inoiz ez da hori gertatu. Gainera, inork ez zuen pentsatzen gertatuko zenik, eta oinarrizko arrazoia hauxe zen: banketxeen balantzeen oinarria zela etxebizitza, eta banketxeek arbitratuko zituztela arauak".
Bestalde, babes ofizialeko etxebizitzak ere albiste dira; izan ere, aurrerantzean, baldintza batzuk betetzen dituzten etxe-jabeek etxebizitzon lurra erosi ahal izango dute. Dekretu hori azaltzeko hitzaldia egingo du Jesus Markaidek astelehenean Kulturaten, 18:30ean.
Markaiderekin elkarrizketa irakurri ahal izango duzue asteleheneko Goiena aldizkarian.