Bookcrossing-a ezaguna da munduan eta ideia hori hartuta AEDk Liburuak aske izeneko ekimena jarri du martxan. Helburua euskarazko irakur zaletasuna bultzatzea da. Horretarako jolas bat planteatu die herritarrei. 50 liburu banatu dituzte herrian zehar, bat aurkitzen duenak jaso, irakurri eta ondoren, berriz ere herriko beste txoko batean uzteko.
Estilo guztietako liburuak banatu dituzte: poesia, narratiba… Liburu laburrak direla adierazi digute AEDtik, jendea irakurtzera animatzeko. Liburu guztiek pegatina bat dute eta bertan zehazten da AEDk askatutako liburu bat dela eta nahi izanez gero, liburua irakurri ostean, norberaren sentipenak konpartitu daitezkeela AEDko facebook-ean edo helbide elektronikora idatzita.
Jendeak begi onez hartu du AEDren ekimena oro har.