Ekainaren 13an egingo dute lehen entsegua, musikari eta eszenarako beharrezkoak diren osagai guztiekin: "Lan handia eskatzen du eta azaroan dena ondo irten dadin denboraz hasi behar gara lanean".
Madrilen girotua aurten ere
Iazko La Gran Via eta duela hiru urteko El Barberillo de Lavapies zarzuelen antzera, aurten ere Madrilen girotutako obra aukeratu du Gonzalezek. Protagonisten artean bi nabarmenduko dira: Mari Pepa eta Felipe. Bi protagonista horien paperak Susana Vazquez eta Enrique Altuna arrasatearrek beteko dituzte, hurrenez hurren.
Bestalde, XIX. mendeko Madrilen girotutako zarzuela jendearen gustukoa dela deritzo zuzendari orokorrak: "Jendeari asko gustatzen zaio. Kantuak oso alaiak direlako aukeratu dut La Revoltosa, baina oso motza denez, sei emanaldi gehiago egingo dira". Hauek dira aparteko sei saio horien izenburuak: La verbena de la paloma, El año pasado por agua, La Calesera, El bateo, Agua, azucarillos y aguardiente eta Romanzado de los claveles.