Maiatzeko baserritarren produktu ekologikoen zozketa bereziaren ostean, ekainean 100 euroko txartelekin sarituko die Ibai-Artek bezeroei erakutsitako fideltasuna. Eskaintzaren hasierak honela dio: "Zenbat aldiz geratu gara norbere buruari gutizia bat eman gabe, horrenbeste desira genuen diskoa ezin erosi, horrenbeste atsegin genituen udako zapatarik gabe, marrubiak denboralditik kanpo jatearen kapritxoa eman gabe,… Eta hori guztia, zergatik? Orain gastuak inoiz baino gehiago kontrolatu behar ditugulako".
Trukaketa, uztailaren 2an, 12:00etan
Hori bai, ekainean zehar sarituak izango diren hamar lagunak adi ibili beharko dira saria trukatzeko. Izan ere, hitzordu bakarra dute horretara: uztailaren 2an, zapatua, Maala kaleko 6. zenbakian kokatuta dagoen Rural Kutxako egoitzan, 12:00etan.