Lanak ekainean amaituko dira, baina Blanca Jauregi Gazteria sailako arduradunaren arabera, urrian jarriko da funtzionamenduan; Maritxu Kajoi osteko astean zabaltzea da lehen asmoa: "Prisekin ibili baino, nahiago dugu dena ondo lotuta dugula egoitza berria funtzionatzen jartzea", dio.
Hori bai, ekainetik urrira bitartean ez dira geldik egongo. Aprobetxatuko dute gaztetxoekin batera lokala ikusi eta erabileraren gaineko erabakiak hartzeko. Materiala ere eraman behar dute: "Material berria erosi egin beharko dugu baina gainontzeko gazte txokoetako materiala ere aprobetxatu behar dugu, berrerabiltzearen aldekoak gara", azaldu du Jauregik.