Testurik gabeko lana
Lan ikusgarria da Mondo Flurss antzezlana. Aritza Rodriguez eta Iñaki Aginaga aktoreek parte hartzen dute lanean. Testurik gabeko antzezlana da. Bi aktoreek zaborretarako poltsak manipulatzen dituzte, paisaia, animalia eta objektu ezberdinak eginez modu irudimentsuan. Gainera, gaur eguneko kontsumo ereduarekin jarraitzen badugu gerta dakigukeenari buruzko hausnarketa txikia eta apala egiten da antzezlanean.
Flurss, flurss... soinua da
Flurss, flurss…plastikoaren soinua, bata bestearen kontra jo eta bizia hartzen duten poltsen soinua da. Antzezlana 3 eta 5 urte bitarteko haurrei zuzendutakoa da.
Antzezlanaren asmoa da haurrekin sormena eta sostengarritasuna lantzea; horregatik, eskolan lan egiten jarraitzeko aukera eskaintzen dute antzezlanerako bereziki prestatu dituzten unitatea didaktikoen bitartez.