Irudia egiterako orduan, Etxeberriak azaldu digunez, ideia deskribagarriak eta errelistak hartu ditu aintzat: "Kanpotar bati, eta baita arrasatearrondako ere, jaia zer den azaltzeko irudian agertzen dira sua eta haren bueltan makala. Beste hainbat pertsonaia eta elementu ere sartu ditut, jaiaren betiko elementuak eta berritzaileenak. Izan ere, ez da ahaztu behar 2011rako irudia dela". 1994an hartu zuen parte lehenengoz –orduan akuarelekin egin zuen irudia– eta ordutik beste bost alditan aurkeztu du irudia. Aurtengoa lehen aldia da irabazten duena.
Epaimahaia: SUDC elkartea, Udala eta pinturan aditua
Irudi onena aukeratzeko arduradunak hiru izan dira: SUDCeko ordezkari Andoni Altzelai, jaietako zinegotzi Izadi Mondragon eta pintura tailerreko irakasle Amaia Bengoa. Irudiak ematen duen mezuagatik aukeratu dute Etxeberriaren marrazkia, haren indarragatik.