Benedikat Squash taldearen 20 urteaurrena ospatzeko modu onena izan da txapelketa antolatu izana, 30 jokalarik hartu zuten-eta esku. Egubakoitz arratsaldean (19:00) hasi zituzten kanporaketak, eta 22:00ak arte iraun zuen lehen saioak. Zapatuan 9:30ean hasita kontsolazioko partiduak jokatu zituzten, eta eguerdi aldera izan zen lehen finalerdia, aurreikuspenen arabera final aurreratua zena: Javier Villanueva eta Lian Kane zein baino zein gehiago. Partidu ederrean, Villanuevak lortu zuen finalerako txartela (3-0).
Beste final erdian Eibarko Alberto Ferreiro eta Aitor Yanguas –Benediktakoa– izan ziren aurrez aurre.
kantxa faktorea Aitorren alde zegoen baina Eibarko jokalaria (3-0) nagusitu zen. Finalean Javi Villanuevak ez zuen arazorik izan Ferreiro mendean hartzeko (3-0).
Arrasateko taldeko ordezkari onena Silverio Alvarez izan zen, baina denek egin zuten lan txukuna. Gainera, Arrasateko taldekoak izan ziren torneoko emakumezko bakarra, eta baita jokalari beteranoena ere.