Maiatzaren 6a da udalekuetan izena emateko azken eguna

Jokin Bereziartua Lizarazu 2011ko maiatzaren 2a

Aste Santuko oporrak igaro ostean, Txatxilipurdiko haur sailak gogora ekarri du udalekuetan izena emateko azken eguna maiatzaren 6a dela. Udalekuak uztailaren 4tik 22ra dira, Arrasateko hiru gunetan: erdigunean, Musakolan eta San Andresen. Izena Txatxilipurdiren egoitzan eman beharra dago, Nafarroa etorbidearen 23. zenbakian. Deskontuak izango dira, zenbait kasutan.

Adinaren eta gunearen arabera hiru taldetan banatuko dituzte neska-mutikoak: Bilin-Boloka 2 urtekoendako, Beibilekuak haur hezkuntzakoendako eta Bihurrikeixetan Lehen Hezkuntzakoendako.

Zaintza zerbitzua eta ordutegiak

Bestelako zerbitzuak ere zehaztuta dituzte: Beibileku eta Bihurrekeietan, esaterako, 09:00eatik 10:00etara zaintza zerbitzua ipiniko dute.

Eta ordutegiak ere zehaztu dituzte: Bilin-Boloka 10:15etik 12:15era eta Beibilekuetan 10:00-13:00etara. Bihurrikeixetan, berriz, 10:00etatik 13:00etara eta 15:30etik 18:30era.

Deskontuak

Izenemate fitxa bete eta ordainagiria aurkeztu beharko dira izena emateko, Txatxilipurdiren egoitza berrian, Udaltzaingoaren egoitzaren ondoan (Nafarroa etorbidea, 23. zenbakia).

Familia ugariek %5eko deskontua izango dute eta baita Topakideko bazkideak ere. Bi baldintzok betez gero, berriz, %10eko deskontua izango da, beraz, diru sarrera egitean, deskontuak kontuan izanik egin beharko dira sarrerok.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak