Maiatzaren 22ko Udal eta Foru hauteskundeetarako botoa emateko aukera izango duten mondragoetarren errolda ikusgai dago Biztanleen Arreta Zerbitzuan. Hain justu ere, datorren astelehenera arte, apirilaren 11ra arte, egongo dira zerrendak ikusteko moduan.
Aurreko hauteskundeetan bozetan parte hartzeko aukera izan dutenek, zein hauetan lehen aldiz aukera izango dutenek, denek, ziurtatu beharko dute hautesleen erroldaren zerrendan ageri direla. Osterantzean, agertuko ez balira, ezingo luketelako bozetan parte hartu. Hortaz, herritar guztiei komeni zaie egiaztatzea hori. Astebarruan, 08:30etik 19:00ak arte, eta, zapatuetan, 09:00etatik 13:00ak arte egongo da zabalik BAZeko bulegoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.