Gauza bera egingo dute apirilaren 8an. "Egun horretan goizez eta arratsaldez izango gara Arrasaten. Goizez 10:00-13:00ak bitartean. Arratsaldez, berriz, pintxo-pote ordua aprobetxatu eta 18:00etatik 20:00ak arte izango gara", kontatu du Leyre Viamontek, ekimenaren bultzatzaile den noalmaltratoanimal.org elkarteko kideak.
Saltokietan ere bai
Horrez gainera, herriko hainbat saltokitan sinadurak batzeko paperak banatu dituzte, izan ere, apirilaren 15era arte jardungo dute sinadurak batzen. Arrasateko kasuan, honako saltokietan sina daiteke: Nothing Without, Elkoro, Ceciaga, Amets altzari dendan, Arrasate Zoo saltokian, animaliendako Traskilon ile-apaindegian, herriko bi albaitarien kontsultan, Doke tabernan, Biotika parafarmazian eta BC Gazte Modan.