Dorletako Ama Ziklismo Eskola barruan, kategoria eta modalitate ezberdinetako taldeak batera eta bestera ibili dira asteburuan. Zumaian kadete mailako lasterketa egin zuten, eta Debagoieneko mutilen artean Danel Sagasta nabarmendu zen, JMAkoa podiumera igo zen-eta. Arratsaldean, berriz, Mugarri-Jay taldeko mutilek Antzuolako Uzarragako Igoeran hartu zuten esku; taldeak ordezkaritza zabala izan zuen, eta azpimarratzekoa izan zen Iker Eskibelek lortutako hirugarren postua.
Domekan, berriz, Lizarragako lasterketan egon ziren klubeko hainbat ziklista, tartean zapatuan lasterketak izan zituztenak ere bai, eta hauek izan ziren lortutako emaitzak:
Gazte maila:
Alex Aranburu - Mugarri-Jay - 4.a
Jon Ander Kortabarria - Mugarri-Jay - 6.a
Beñat Burgui - Lizarralde Kirolak - 10.a
Kadete maila:
Andoni Sanchez - Lizarralde Kirolak - 7.a
Julen Axpe - Lizarralde Kirolak - 8.a
Mikel Iribekanpos - Lizarralde Kirolak - 10.a
Mikel Beloki - JMA - 19.a
Aitor Pagaldai - Lizarralde Kirolak - 22.a