Etxeko taldeak hartu zuen jokoaren ardura lehen minututik eta ia partidu osoan aurretik izan genuen Ford Mugarri markagailuan, Atsedenaldira hiru goleko abantaila lortu zuten arrasatearrek (18-14). Nahiz eta bigarren zatian Ford Mugarri bost goleko abantaila izatera iritsi (24-19), gasteiztarrek ez zuten amore eman eta aldea murrizten hasi ziren.
Azken minutuak zoratzekoak izan ziren eta tentsioa handitzeko markagailu elektronikoarekin ere arazoak izan zituzten mahaian. Gasteiztarrek ezin zuten sinetsi: bi gol aurretik jarri ziren eta ia-ia garaipena ospatzen ari zirela, etxekoen erreakzioa etorri zen. Ekaitz Aranburuzabalaren geldiketak erabakigarriak izan ziren eta Iker Zubiaurrek azken aukera bat izan zuen garaipena lortzeko. Hala ere, bi taldeek ontzat eman zuten berdinketa. Gasteizen, joaneko partiduan, arrasatearrek irabazi zuten baina zapatuan ezin izan zuten emaitza hura errepikatu.
Hiru jardunaldi amaitzeko
Sailkapenak berdin jarraitzen du. Corazonistasek puntu bateko aldea ateratzen dio Ford Mugarriri eta badirudi biak izango direla igoera faserako sailkatu diren taldeak. Hiru jardunaldi besterik ez dira geratzen. Universidad Deusto-Loyolari egingo dio bisita Ford Mugarrik asteburuan.