Modu ofizialean jakinarazi ez duten arren, GOIENAko iturriek konfirmatu ahal izan dute Juan Karlos Garitano izendatu duela Euzko Alderdi Jeltzaleak alkategai datozen udal hauteskundeetarako. Martitzenean, Uri Buru Batzarrean berretsiko dute izendapena.
2008az geroztik Arrasateko Uri Buru Batzarreko presidente da Juan Karlos Garitano Ixidor Soluperen lekuan. 1949an jaiotakoa, EAJn dihardu lanean 20 urte baino gehiagoan. 2007ko udal hauteskundeetan 6. postuan joan zen EAJko zerrendetan eta zinegotzi ere izandakoa da, 1991-95 legealdian.
Aurre-erretiratuta dago Cegasa taldeko Tuboplast lantegitik (Miñao). Ingeniaria da ikasketei dagokienez, baina kalitate arduradun moduan lan egindakoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.