Dagoeneko 18 taldek gura dituzte Korrrikako kilometroak erosi; hala ere, besterik balego, apirilaren 1era arteko epea dauka haiek erosteko.
Korrika Txikia
Aipatzekoa da, berriz, aurten ez dela Korrika Txikirik izango. "Korrika eguerdian iristen denez, eskolek bultzatuko dute Korrika nagusian parte hartzera. Txikitxoenek, berriz, eskoletan egingo dituzte ekintzak", adierazi du Oskar Elizburuk, Arrasateko eta Gipuzkoako AEKko arduradunak.
Korrika Lagun
Hark jakinarazi du egunotan Korrika Lagunak egitera pasako direla AED, AEK eta Euskal Herrian Euskaraz elkarteetako ordezkariak Arrasateko saltokietatik. Eta gogora ekarri du apirilaren 1era arte dagoela Korrika laguntzaile izateko aukera, AEDn, AEKn, Iratin, Basatin eta Korrikaren webgunean.
Egitaraua
Apirilaren 10ean
- 09:30 Arbolapetan Mendi irteera gidatua: Arrasateko historia, Bedoña aldean.
- 12:30 Herriko Plazan Mokadutxoa, arropa saltzeko mahaia eta trikitilariak.
- 19:30 Amaia antzokian Sekula bai antzerki eta kabareta.
Apirilaren 12an
- 19:00 Kulturaten Euskarazko film laburrak eta Kepa Errasti zinema zuzendaria.
Apirilaren 14an
- 11:00 Zigorrolan Korrikari ongi-etorria: salda eta txorizoa, txalapartariak, etxafuegoak…
- 12:30 Poteo Euskalakaria
- 17:00 Plazan umeendako txokolatada.
- 17:30 Plazan Jolasak Txatxilipurdi elkartekoekin.
- 18:00 Plazan Konpartsa txikia.
- 18:30 Plazan ekitaldi nagusia: Eskoletan landutako lelo lehiaketako onenak irakurri eta sariak banatu.
- Patxi Uribarren euskaltzainari omenaldia, gaueskolen sortzaileetako bat izatearren: dantzarien agurra; ohorezko bertsoa, Patxi Uribarrenen hitzaldia eta txistularien, gaiteroen eta dantzarien emanaldia
- 19:30 DJ jaialdia: Elvis Caino bergararrekin
- 22:30 Gose eta Anger taldeen kontzertua, Gaztetxean