Herri guztian zehar banatuko dituzte pistak eta taldeek pertsonaia ezberdinek proposatutako frogak gainditu beharko dituzte aurrera egin eta altxor preziatua aurkitzeko.Taldeek izena eman dezakete Arrasateko gaztetxokoetan, Gazte bulegoan edo kale hezitzaileen bitartez. Taldeak gehienez 10 lagunekoak izango dira.
17:00etan, Biterin
Jokoa 17:00etan abiatuko da Biteri plazatik. Bertan taldeek lehenengo pista jasoko dute.
Erdigunea Piztu ekimena
Udalak eta Txatxilipurdi elkarteak 2009-2010 ikasturtean abiarazitako ekimena da. "Aste bukaeretan eta erdigunean azken urteetan antzemandako aisialdi eskaintzaren hutsunea bete nahi dugu", adierazi dute Txatxilitik.
Erdiguneko Gaztegune proiektuak bere bidea darama. Bitartean, 'Erdigunea piztu' ekimenak etorkizuneko proiektu honen helburuak bere egiten ditu; erdigunean, gazteendako parte-hartzailea eta euskarazkoa den aisialdi eskaintza egitea, alegia.