Maceratako aldapa hainbat aldiz igo behar izan dute, eta arrasatearra denbora osoan ibili da nazioarteko ziklista onenen ondoan: Evans, Nibali, Basso, Gesink, Cunego, Di Luca, Gilbert... Laranja kolorea protagonista izan da, eta Castroviejok eta Velascok eutsi egin diote onenen mailari. Helmugan, Evans (BMC) australiar liderra izan da indartsuena eta Velasco 21.a izan da, 28 segundora. Pentsa, Andy Schleck bera ere (Leopard) atzetik izan du. Bideoan dituzue azken kilometroak, eta Velasco helmugara iristen (12:42).
Martitzenean, Tirreno-Adriatikoko azken etapa jokatuko da, 10 kilometroko erlojupekoa. Jakina, Evans da faborito nagusia etapa bera eta sailkapen nagusia irabazteko. Velasco 41. postuan dago sailkapenean, liderrarengandik 13:38ra.
Bada, sasoiko daude Debagoieneko ziklista profesionalak; izan ere, Markel Irizar oñatiarrak Andaluziako Itzulia irabazi zuen otsailaren 24an.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.