Arrasateko jokalariak hauek izan ziren: Joseba Azkargorta, Eneko Fernandez, Aitor Balzategi, Sebas Sierra, Kepa Aranbarri eta Julen Etxabe.
Partiduak
Banaka jokatu zituzten partiduetan 3 eta 2 galdu zuten; AKEkoak 2 eta 0 irabazten hasi ziren, gero, 2 eta 2 berdindu zuten Peña Vitorianakoek eta azkenean 2 eta 3ko emaitzarekin galdu zuten arrasatearrek azken momentura arte oso berdinduta ibili ostean.
Binakakoetan, bestalde, oso erraz irabazi zuten Peña Vitoriana taldekoek; ATTn jokatzen ibilitako munduko profesional onenetarikoa zuten-eta euren taldean, besteak beste.
Jokalari oso onak
Aipatzekoa da Arrasatekoek Espainiako bederatziehungarrenaren kontra jokatu behar izan zutela, eta gainera, herrikoek oso maila ona erakutsi zutela euren aurrean. Nabarmentzekoa da baita ere, Sebas Sierra arrasatearrak Aitor Etxeberriaren aurka ia-ia irabazi egin zuela. Etxeberria bere adinean Euskadi mailan onena da, eta hori gutxi balitz, Espainiako bostehungarrena ere bada.