Alkizako Altzelairekin batera, Arrasateko pilotariak Bizkaiko torneo garrantzitsuetako baten finala jokatuko du gaur iluntzean (19:00), Lezaman. Horrekin batera, Bolinagak GRAVNI txapelketa (Euskal Herria eta Errioxa batzen dituen torneoa) jokatuko du Gipuzkoako selekzioarekin, eta Antiguoko torneorako ere gonbidatu dute.
Lezamako txapelketalko finalerdietan Bizkaian figura izateko bidean diren Elezkanoren (Galdakao) eta Larunberen (Zaratamo) kontra jokatu zuten ordezkari gipuzkoarrek, eta Bolinaga eta Altzelai 22-14 nagusitu ziren. Hain zuzen ere, Arrasatekoak jaso zituen txalo gehienak, ezin hobeto eutsi ziolako partiduari kale bakarra ere egin barik.
Gaurko finalean, berriz, Ezkurdia (Arbizu) eta Lana (Lizarra) nafarren kontra jokatuko dute gipuzkoarrek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.