Baserritarrei dagokienez, bostek hartuko dute parte, guztiak ere, arrasatarrak eta klasikoak: Meatzerrekako Rakel Perez de Arenazak (Askasibar baserria); Bedoña auzoko Mariasun Iturbek (Etxeberri baserria) eta Kontxita Berezibarrek (Bidasoro baserria), Gesalibar auzoko Arantza Olabek (Enuzketa-Aldekoa baserria) eta Uribarri auzoko Maria Aranak (Ikutixo baserria).
Langintza ugari
Artisauen artean, berriz, inguruko ordezkaritza baden arren, (arrasatearren artean, adibidez, Amaia Txabarri, narrua lantzen, Maider Altzelai gantxilo lanak egiten, Leire Lozano egurrezko tresnekin…) emakumezko artisau gehienak kanpotik etorritako izango dira. Hori bai, bitxigile ugari, panpinak, umeendako arropa, narrugintza… langintza mordoa izango da ikusgai eta erosgai Seberren.