"Udalak legealdi hasieratik, herritarren eskaerei erantzunez, behin eta berriz aldarrikatu du Foru Aldundiaren aurrean (bere eskumena baita) Bizkaia edo Durangaldearekin lotura izatea bailara honek. Bailara hau garraio publikoaren ikuspegitik nahiko mugatua dago zerbitzu eta konexioei dagokionean", adierazi du Ino Galparsoro alkateak.
Herriko mugikortasuna
"Gainera herri honetan, lan arloan (kooperatibak…) eta ikasketa arloan (unibertsitatea) jende asko ibiltzen da, eta behar beharrezkoa da, bereziki herriko mugikortasuna baretze aldera irtenbideak bilatu eta eskaintzea", gaineratu du.
Bestalde alkateak adierazi du egiteke geratzen dela zerbitzu berria txartel bakarrarekin erabili ahal izatea eta hori "exijitzen" jarraituko dutela.
Lehenengo komunikabideetara
Eta bukatzeko, salatu gura du “Udalari zehaztasunak jakinarazi aurretik komunikabideetara jo” dutela, eta haien bitartez jakin dutela “hainbat xehetasun edo informazio (ordutegiak…)”.