2007an sortu zen Norman. Talde moduan ibilbide motza duten arren, eskarmentu handikoak dira, guztiek aurretik beste talde batzuetan jotzen zuten-eta. Norman izeneko disko berria aurkeztuko dute Arrasateko gaztetxean, 20:00etan, eta Danbaka musika lehiaketan horrenbesteko arrakasta izan zuten doinuek girotuko dute gaztetxea.
Zuzeneko indartsua
Norman zuzenean hazi egiten da, piztu, indartu. Punk-rocka abiapuntu hartuta, erritmo aldaketa ugariren sonoritateetan barneratzen dira eibartarrak. Haien arrakastaren gakoa zuzenekoak diren arren, oso kontzertu gutxi eskaintzen dituzte. Horregatik, besterik ez bada, egueneko hitzordua agendan sartzeko horietako bat da.