Eguerdiko kalejiraren ostean, 600 bat lagunek bete zuten Uarkape pilotalekua atzo, zapatua, herri-bazkarirako, eta gero haiek guztiak eta arratsalde-gauean animatu ziren beste asko kalerik kale eta tabernarik taberna ibili ziren, Arrasaten aspaldiko Aratusterik jendetsuenak utziz.
50 zabor-poltsa gehi edukiontziak
Domeka goizean ere islatu da hori. “06:00etan desastre hutsa zen. Kristalak, Eroskiko karrotxoak, kartoiak… kristalei dagokienez, igartzen da bai, kanpoan erre behar dela orain. Askoz gehiago batu ditugu. Eskuz hasi gara hori guztiori batzen, eta 10:00etarako 50 bat zabor-poltsa gehi edukiontzi batzuk beteta genituen. 12:30ak arte gaude lanean eta ez dakit guztia batzeko astirik emango digun”, kontatu dute Txus eta Jon garbitzaileek.
