12:00etan egin du hitzordua PSE-EE alderdiak, Carrascoren etxe aurrean, San Andres auzoko Navas de Tolosa kalean. Aipatutakoez gainera, bestelako ordezkari sozialistek ere gogora ekarriko dute orain dela hiru urteko martxoaren 7an hil zutela Isaias Carrasco zinegotzi sozialista ohia.
Kaleari bere izena ipini ez izana
Besteak beste, salatuko dute atentatu haren aurrean Arrasateko alkatetzan zegoen EAE alderdiak hilketa ez gaitzetsi izana, eta salatuko dute, baita ere, Udalak ez duela onartu San Andresko kaleari Isaias Carrascoren izena ipintzea.
Etxe aurrean tirokatuta
Hain zuzen, 2008ko martxoaren 7an hil zuten Isaias Carrasco. Lanera joateko etxetik irten eta autora sartu berri zenean tirokatu zuten ETAko kideek. Hiru bala jaso zituen etxe aurrean. Ordu biak inguruan ingresatu zuten Arrasateko ospitalean zauri larriak zituela eta berehala hil egin zen.