Asfalto lanak egiten dabiltzan Orsa enpresakoek emandako azalpenen arabera, beste obra batzuetan gertatu izan zaie brea euripean botatzea eta gero atzera ere bota beharra izatea.
Hori horrela, erabaki dute guztiz atertu arte itxarotea brea botatzeko. Eta berez, eguraldi adituek gaurko prezipitazioa urria izango dela dioten arren, ez dute esaten atertuko duenik, beraz, zeruari begira egongo dira langileak.
Autobusak Nafarroa etorbidean
Edozelan ere, hortxe abisua, iragarritakoa ezin izango dutela bete eta ezin izango dutela gaur zabaldu Garibai etorbidea; horrek esan gura du, besteak beste, Aretxabaleta, Eskoriatza eta Gasteizerako autobusak Nafarroa etorbidean hartzen segitu beharko direla.