Ingeniariak erabili nahi dituzten enpresei zuzenduta egon dira gaurko jardunaldiak. Hezkuntzaren Europako Esparru berrian ingeniariek dituzten enplegu aukerak eta eginkizun berriak aztertzea zen helburua.
Ikasketa-plan berriei, Mondragon Unibertsitateko Goi Eskola Politeknikoaren titulazioei eta ikasle batzuek enpresetan egiten dituzten gradu-ikasketen nahiz masterren karrera-amaierako proiektuei buruz gogoeta egin dute, baita ikasleek ikasketak eta lana aldizkatzeko duten aukerari buruz ere.
Goi Eskola Politeknikoko koordintzaile akademiko Jon Altunak gidatu du saioa. Bere esanetan, ingeniariek enplegu aukera onak dituzte, batez ere Goi mailako ingeniaritza egin dutenak, eta "eskaera handia dago" Informatika, Elektronika eta Telekomunikazio ingeniariak kontratatzeko.