Dokumental honekin jakinarazi nahi da, ea Gipuzkoako Foru Aldundiak egindako gipuzkoar gazteen kultura politikoari buruzko azterketaren emaitzen inguruan zer iritzi dagoen, eta baliozkoak diren eta egiaztatzen diren.
Parte hartuz aldatu dokumentalaren bitartez, gazteen sozializazioan zer iturrik jokatzen duten analizatu da. Zer lotura duten gazteek politikarekin, eta zer eduki lotzen dizkioten politikari. Kontua ez da, zuzenki, politikak gazteei zer eskaintzen dien aztertzea, baizik gazteek benetan zer interes duten, gazteei zer esaten dien politikak. Gipuzkoan dauden portaera politikoak eta herritarrak zerk mugiarazten dituen dokumentatu da.
Dokumentalaren prestakuntza
Dokumentalean, gazteen kezkak jakiteko egin diren hainbat etahainbat elkarrizketa eta grabazioren laburpena ikusten eta entzuten da. Ondorioa da gazte izateko moduez ere “zenbat buru, hainbat aburu” esaera baliozkoa dela, baina gure gizarteko kide izateak ezaugarri komun batzuk ematen dizkiela. Ikus-entzunezkoen munduarekin lotura duten gazteei –EHUko eta Mondragon Unibertsitateko ikus-entzunezkoetako eta Andoaingo Zine eta Bideo Eskolako ikasleei- kamera eman zitzaien, haietako batzuek buruan zer daukaten zuzenki jakitearren, eta, segidan aipatuko ditugun bost gai arazotsuen inguruan, zer-nolako ikuspegiak, balorazioak eta ekarpenak dituzten jasotzeko. Hauek dira gaiak: etxebizitza, astialdia, bakea eta normalizazioa, ingurumena eta euskara eta kultura.