Sari horrekin, "enpresa munduan egindako lana eta ardura profesionala" aitortzen da, eta "krisi ekonomiko garaian zuzendarien rol erabakigarria" nabarmendu nahi da.
Actualidad Económica-ren 100 zuzendari onenen zerrenda joan den eguaztenean argitaratu zen, eta Hego Euskal Herriko eta Espainiako 2.000 enpresa baino gehiagoko zuzendariak hartu dituzte kontuan aukeraketa egiteko. Helburua da "finantza-funtzioan bikaintasuna" saritzea.
Augusto Aranetaren ibilbide profesionala baloratu dute, eta "enpresan izan duen meritua" aintzat hartu dute.
Fagor Arrasaten hasi zen
Araneta Ordizian jaio zen 1960an, eta Ekonomia Zientziak ikasi zituen, Ogasun Publiko espezializazioan. Ikasbiden Enpresa Zuzendaritza masterra egin zuen.
Fagor Arrasate kooperatibako finantza-zuzendaria izan zen 1988tik 2000ra arte, eta ordutik 2003ra arte, Fagor Arrasate USAko zuzendari orokorra izan zen.Hori eta gero, Maier S. Coop Taldeko finantza-zuzendaria izan zen 2007ra arte.