Sakanako taldeak 'Borrokatu eta irabazi' diskoa aurkeztuko du Arrasaten, punk, rock eta ska doinuak dituena, eta neska-mutil ahots jokoa bereizgarria duena. Disko berria 2010ean argitaratu zuten; aurrez, beste bi lan dituzte argitaratuak: 'Maite dugu' 2007an eta 'Herriaren oihua' 2008an. Gainera, dagoeneko sarean dago ikusgai taldeak grabatu berri duen azken bideoklipa: 'Ezin ahaztu'.
Kooltur ostegunak ekimeneko lagunek aurreratu dute, kontzerturako sarrerarekin batera diskoa oparituko dutela Hesian taldeko kideek.
Bitxikeria bezala esan behar da, AEBetako Boiseko ikastolako abestia egin berri dutela nafarrek.
Bestalde, martxoko eguenetako kontzertuak dagoeneko antolatuta dituzte Kooltur ekintzakoek. Hurrengo kontzertuak izango dira: Norman, Anari eta Batusi, besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.