Niños Velcro taldearen musika, pentsaera eta sentimendua fusio ikaragarria da. Funk erritmoetatik abiatuta, reggaean barneratu, latin eta sambatik pasa eta metalarekin oihu egiterainoko doinuekin datoz, jungle estiloko elektronikarekin dantza zoroa egin eta lurjota gelditu arte.
Ikuskizun ikaragarria da, dantzari eutsi ezinekoa eta oso dibertigarria. Ibilbide emankorra egin dute orain arte eta hainbat musika lehiaketa irabazi dituzte (Eliparock, Pasión Rock, Alterna Music Festival). Línea de planetas izeneko diskoa kaleratu berri dute eta Arrasaten (Euskal Herrian egingo duten emanaldi bakarrean) aurkeztuko dute.