Hesiak kenduta, estreinatzeko moduan dago Gelmako oinezkoen zubi berria. Udal agintariak eta obrako teknikariak izan dira zubia gurutzatzen lehenak. Joan-etorria egin, zubiko bitxikeriak komentatu eta halaxe "inauguratu" dute oinezkoendako bide berria Ino Galparsoro alkateak, Patxi Arburua Obra eta Zerbitzuak Saileko arduradunak eta Aritz Arrieta PSE-EEko bozeramaileak, besteak beste.
"Zubi solidoa da, eta inportanteena da alde biak lotzen dituela; polita den edo ez, gustu kontuak dira", adierazi du alkateak.
Eta halaxe da, dagoeneko lotuta daude Gelma eta Zaldibar guneak. Albo biak berri-berriak dira, batean urbanizazio eta etxe berriak egiten dabiltza eta martxoan bukatu gura dituzte lanak. Eta bestean, parkea bukatu berri dute eta Udaltzaingoaren eta Txatxilipurdiren egoitza berriak ere hantxe kokatu dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.