Hileko hirugarren zapatua izanda, zapatuan, 09:30ean hasi eta 14:00ak arte baserritik kalera ekarriko dituzte baserritarrek bertan ekoiztutako produktuak. Oraingo honetan, 11 baserritar elkartuko dira Seber Altube plazan. Horietatik sei etxekoak, Arrasatekoak: Ikutixoko, Etxebarriko, Enuzketa Aldeko eta Mietzako barazkiak izango dira; Askasibarko barazki ekologikoak ere bai eta Bidasoroko barazkiak eta gazta.
Kanpoko gonbidatuen artean, berriz, Tolosatik ahuntz-gazta ekarriko dute, Zarauztik landare ekologikoak eta gertuagotik, gure ibarretik alegia, Bergaratik fruta eta baso-landareak eta Aretxabaletatik haragi ekologikoa.
Bestalde, ohi moduan, 13:30ak inguruan baserriko produktuz osatutako otarra zozketatuko dute azokan parte hartzen dutenen artean. Egunean bertan entregatuko diote otarra. Baserritarren azokarako hurrengo hitzordua martxoaren 19an izango da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.