Niños Velcro taldeak musika, pentsaera eta sentimendu fusio ikaragarria dauka. Funk erritmoetatik abiatuta, reggaean barneratu, latin eta sambatik pasa eta metala ukituko dute, jungle estiloko elektronikarekin dantza zoroa egin eta lurjota gelditu arte. Ikuskizun ikaragarria da, dantzari eutsi ezinekoa eta oso dibertigarria. Ibilbide emankorra egin dute orain arte eta hainbat musika lehiaketa irabazi dituzte, besteak beste, Eliparock, Pasión Rock, eta Alterna Music Festival lehiaketak.